Beneficiarios Subvencións para Actiacións de Mellora das Infraestructuras dos Establecementos Turísticos de Aloxamento e de Restauración Convocatoria 2025
Persoas físicas e xurídicas, PEMES, titulares de establecementos turísticos de aloxamento e restauración, que teñan autorizado ou clasificado o establecemento no REAT; con unha antigüidade da actividade turística do establecemento non inferior a 5 anos; e que sexan propietarios dos inmobles ou con dereito de uso durante todo o prazo de duración da obriga de manter a actividade prevista nas bases reguladoras da subvención.
Serán subvencionables os seguintes tipos de establecementos:
.- Establecementos hoteleiros, campamentos de turismo, establecementos de turismo rural, apartamentos turísticos e albergues turísticos.
.- Restaurantes incluídos no Grupo I, debidamente inscritos e clasificados no REAT.
INVESTIMENTOS SUBVENCIONABLES, ata un máximo de 100.000 €, iniciados desde o 01/01/2025:
- Mellora das condicións de accesibilidade e supresión de barreiras arquitectónicas.
- Mellora das instalacións coa finalidade de obter certificacións de calidade, como a Q de calidade turística.
- Actuacións destinadas a cumprir con modificacións normativas ou dirixidas á mellora da clasificación do establecemento que supoñan un incremento de categoría.
- Renovación e modernización das instalacións e embelecemento do contorno da instalación.
- Equipamentos mobles necesarios para o funcionamento.
- Mellora da climatización mediante implementación de medidas de aforro enerxético, así como a instalación ou mellora de sistemas de extracción e renovación do aire.
- Dixitalización dos sistemas de xestión e comercialización do establecemento.
- Adaptación dos sistemas de seguridade e saúde na prestación de servicios.
O titular deberá contar con licenza de obras ou, de ser o caso, certificado do concello de non precisar dita licenza.
GASTOS SUBVENCIONABLES: Gastos de execución de obra vencellados coa execución do proxecto; e honorarios técnicos de redacción do proxecto e dirección de obra, non superiores ao 6% do investimento neto admitido.
NON SERÁN SUBVENCIONABLES, entre outros, a adquisición de terreos, edificacións, locais e elementos de transporte; enxoval de cociña e comedor, enxoval de habitacións e baños, adquisición de bens de decoración de estancias; obras de mantemento do establecemento, como limpeza de de canalóns, pintura, arranxos; seguros, taxas, licenzas ou similares; gastos de conectividade, elementos adquiridos mediante leasing ou renting, etc.
CONTÍA: Entre o 40% e o 60% do investimento neto subvencionable, segundo os puntos acadados polo establecemento na baremación da solicitude da axuda; e co máximo de 60.000 euros por entidade beneficiaria.
