Beneficiarios e Requisitos Subvencións da Deputación da Coruña Pel-Pemes Creación e Ampliacion do Cadro de Persoal de Pemes e Microempresas e Persoas Autonomas No 2025
Estas axudas van dirixidas a PEMES, microempresas e persoas autónomas, que estean desenvolvendo unha actividade económica con domicilio fiscal e con un centro de traballo nun concello da provincia da Coruña con poboación inferior a 20.000 habitantes.
Tamén poderán ser subvencionados aqueles solicitantes que non dispoñan de centro de traballo sempre que conste no Certificado de Situación Censual da AEAT que a actividade se desenvolve fóra dun local determinado e non teñan a obriga legal de dispoñer de centro de traballo.
Exclúese desta axuda ás agrupacións de persoas físicas ou xurídicas, comunidades de bens ou calquera outro tipo de unidade económica ou patrimonio separado, carentes de personalidade xurídica propia; as asociacións, ou autónomos colaboradores, os autónomos societarios, confrarías, congregacións relixiosas e as entidades definidas como Gran Empresa.
Exclusións relativas á contratación, entre outras:
.- Os traballadores fixos-descontinuos.
.- Contratacións realizadas con traballadores que nos 6 meses anteriores á contratación prestasen servizos na mesma empresa ou “única empresa” mediante un contrato indefinido ou temporal; salvo contratos formativos.
GASTOS SUBVENCIONABLES:
Os custes salariais e de seguridade social patronal da contratación de 1 traballador/a a xornada completa ou a tempo parcial (con xornada mínima do 50%), iniciadas no 2025, que teñan unha duración mínima de 6 meses.
Só serán subvencionables os citados gastos, correspondentes á anualidade 2025.
As entidades solicitantes deberán presentar un orzamento estimado de gasto comprendido entre un mínimo de 1.428,58 euros, e un máximo de 21.428,58 euros.
CONTÍA: 70% do gasto subvencionable, con un máximo de 15.000 euros.
OBRIGAS, entre outras: Manter o nivel de emprego existente na empresa beneficiaria; entendo que se cumpre coa obriga cando o número de traballadores na empresa na data de finalización do período subvencionable é superior ao existente na data anterior á publicación da convocatoria (14/02/2025). No caso de contratacións xa realizadas antes da convocatoria, esta obriga será dende o momento da contratación e ata a data de finalización do período subvencionado.
Se a entidade foi beneficiaria desta subvención no 2024, deberá constar de alta no seu cadro de persoal o posto subvencionado durante todo o período subvencionado.
