Beneficiarios Subvencións da Deputación da Coruña Pel-Emprende Investimento 2025
Microempresas, PEMES e autónomos que estean desenvolvendo unha actividade económica con ánimo de lucro, que teñan o domicilio fiscal e como mínimo un centro de traballo nun concello da provincia da Coruña con poboación inferior a 10.000 habitantes.
Tamén poderán ser subvencionados aqueles solicitantes que non dispoñan de centro de traballo sempre que conste no Certificado de Situación Censual da AEAT que a actividade se desenvolve fóra dun local determinado e non teñan a obriga legal de dispoñer de centro de traballo.
Exclúese desta axuda ás agrupacións de persoas físicas ou xurídicas, comunidades de bens ou calquera outro tipo de unidade económica ou patrimonio separado, carentes de personalidade xurídica propia; as asociacións, ou autónomos colaboradores, os autónomos societarios, e as entidades definidas como Gran Empresa.
INVESTIMENTOS SUBVENCIONABLES, realizados entre o 01/01/2025 e o 31/12/2025:
.- Aplicacións informáticas.
.- Maquinaria.
.- Mobiliario.
.- Equipos informáticos. Ordenadores, máximo 2.000 euros sen IVE. Tablets, máximo 500 euros sen IVE.
Exclúense expresamente (non están subvencionados): as instalacións, montaxes, os mantementos, portes, obras, reformas, reparacións, cubertas, carpas, alugueres, rotulacións, instalacións técnicas de climatización, iluminación ou telecomunicacións, páxinas web, hosting, dominios, mantementos de aplicacións informáticas, fundas de elementos subvencionables, protectores de pantalla, subscricións anuais, canóns, elementos de transporte, material funxible, prendas textís, artigos de decoración, espellos, televisores, reloxos intelixentes, elementos de iluminación, aparellos de climatización, sistemas de seguridade, telefonía, teléfonos móbiles e routers.
Os investimentos efectuados deberán ser novos. Non se admitirán facturas de menos de 100 euros, nin se admitirán máis de 5 facturas por concepto de gasto subvencionado.
No caso de ordenadores, o importe máximo computable por ordenador será de 2.000 euros sen IVE, incluídos os periféricos. No caso de tablets, o importe máximo imputable por tablet será de 500 euros sen IVE.
O investimento subvencionable será dun mínimo de 3.500 euros sen IVE, e dun máximo de 25.000 euros sen IVE.
CONTÍA: 70% do investimento subvencionable.
OBRIGAS, entre outras: Manter os investimentos por un período mínimo de 2 anos dende a adquisición do ben.
