Beneficiarios Subvencións para o Impulso da Innovación e Sustentabilidade de Comercio Local
Persoas físicas ou xurídicas, comunidades de bens ou calquera outro tipo de unidade económica ou patrimonio separado sen personalidade xurídica.
- Comercios retallistas, que cumpran os seguintes requisitos, entre outros:
— Que estean dados de alta nalgunha das epígrafe do IAE que se relacionan nos Anexos II e III.
No caso de que a actividade subvencionable corresponda con unha do Anexo III, deberá estar dado de alta nalgunha actividade do anexo II.
No caso de que un mesmo establecemento realice actividades subvencionables e non subvencionables, ten que acreditar que actividade principal é a subvencionable.
— Que desenvolvan a actividade comercial nun establecemento con unha superficie de exposición e venda de ata 300 m2, agás no caso do epígrafe 653.1 do IAE (mobles).
- Obradoiros artesáns, inscritos no Rexistro Xeral de Artesanía de Galicia.
ACTUACIONS SUBVENCIONABLES:
LIÑA DE DIXITALIZACIÓN E INNOVACIÓN COMERCIAL.
Actuacións dirixidas á dixitalización e á transformación dixital do punto de venda:
.- Implantación ou mantemento de páxina web con ou sen comercio en liña. (A web debe cumprir os requisitos establecidos nas bases reguladoras).
.- Hardware (sistema TPV ou tableta), impresora de código de barras térmica 1D/2D e báscula dixital.
.- Software de xestión adaptado á actividade comercial desenvolvida.
.- Ferramentas de posicionamento dixital (SEO, SEM, ADS).
.- Loxística e-commerce.
.- Xestor de redes sociais.
.- Etiquetaxe electrónica para lineais de venda.
.- Sistema click and collect e lockers dixitais.
.- Terminais autopagamento para a clientela.
.- Solucións de ciberseguridade.
.- Asistentes virtuais e sistemas dixitais interactivos (chatbots)
.- Aplicacións para dispositivos móbiles (m-commerce)
.- Aplicacións de realidade virtual e aumentada.
.- Pantallas e escaparates virtuais con ou sen interacción coa clientela.
Contía: 80%, con determinados límites de investimento máximo, segundo a actuación subvencionable.
LIÑA DE MODERNIZACIÓN COMERCIAL.
Dirixidas á mellora da imaxe, á eficiencia do local e dos recursos e á calidade do produto final:
.- Obras de acondicionamento e de reforma da superficie de exposición e venda.
.- Adquisición de moblaxe auxiliar e moblaxe expositivo de produtos.
.- Servizos profesionais de elaboración do proxecto de interiorismo.
.- Portas automáticas con sensores de proximidade.
.- Sistemas de iluminación enerxeticamente eficientes e sensores de presenza para a regulación automática de luces.
.- Sistemas de climatización enerxeticamente eficientes.
.- Mellora da fachada e do illamento térmico e acústico, e colocación de toldos e rótulos.
.- Adquisición de equipamentos propios da actividade comercial e artesanal de primeiro uso (maquinaria, ferramentas ou equipamento auxiliar).
Contía: 80%, con determinados límites de investimento máximo, segundo a actuación subvencionable.
LIÑA DE SUSTENTABILIDADE AMBIENTAL.
Actuacións dirixidas á redución das cantidades de embalaxe mediante a adaptación do seu tamaño e forma á dimensión dos produtos:
.- Caixas de cartón 100% reciclado.
.- Sobres de cartón ou papel 100% reciclado.
.- Papel vexetal.
.- Recheos para embalaxe (vexetais e proteccións acolchadas de papel 100% reciclado).
.- Bolsas de papel 100% reciclado.
.- Bolsas de tea de algodón 100%.
.- Bolsas de tea de liño 100%.
.- Bolsas de tea de cánabo 100%.
Contía: 80% do investimento máximo subvencionable de 2.500 € (IVE excluído).
