LIÑAS DE AXUDA:
- BONO CONCILIA I
Contratación dunha persoa traballadora desempregada para o apoio no negocio durante o descanso por nacemento, adopción ou acollemento; ou substitución no caso de baixa por risco durante o embarazo e/ou a lactancia.
REQUISITOS:
.- A persoa solicitante ten ou tivo que estar de baixa por maternidade/paternidade ou asimiladas.
.- O contrato será de substitución ou indefinido, segundo o caso.
.- A contratación debe realizarse con unha persoa desempregada, do 01/10/2025 ao 30/09/2026, e as tarefas a realizar pola persoa substituta serán as mesmas que as da persoa autónoma substituída.
CONTÍA:
1.100 € por cada mes completo, polo período de duración do descanso da maternidade ou paternidade (ou nos 2 meses previos, no caso de contratación anterior ao descanso). No caso de risco durante o embarazo, o período máximo será de 8 meses de contratación.
No caso de transformación do contrato de substitución en indefinido, a contía da subvención estará entre os 7.500 € e os 9.000 €, segundo o colectivo de contratación.
No caso de xornada a tempo parcial (mínimo 50% xornada, estas contías reduciranse proporcionalmente.
- BONO CONCILIA II
Contratación para apoio no coidade de menores, maiores e/ou persoas con discapacidade ou dependencia.
REQUISITOS:
.- Contratación indefinida dunha persoa desempregada, entre o 01/10/2025 e o 30/09/2026, dunha persoa traballadora para o coidado de menores no fogar e/ou maiores ou persoas con discapacidade ou dependencia ao cargo do autónomo (parentesco ou convivencia).
CONTÍA: Entre 7.500 e 9.000 €, segundo o colectivo de contratación. Estas contías reduciranse no caso de xornada parcial (xornada mínima do 50%)
- BONO CONCILIA III
Apoio nos custos dos centros e/ou servizos par ao coidado de menores e maiores e/ou persoas con discapacidade ou dependencia a cargo do autónomo, realizados entre o 01/10/2025 e o 30/09/2026.
CONTÍA: 75% dos custes do centro ou servizo, ata un máximo de 3.000 €
OBRIGAS no caso de obter subvención por contratación indefinida, entre outras, manter no cadro de persoal á traballadora indefinida un período mínimo de 3 anos, salvo baixa voluntaria o falecemento da persoa traballadora.
